الضيق في صدري كسر حاجز الصمت
فجـر براكيـن الكـلام وحكـانـي
ماطاب لي خاطر حسافـه ولا نمـت
كلـه سبايـب همـي اللـي حدانـي
البارحـه مليـون مــره تالـمـت
داويت جرح وبان لـي جـرح ثانـي
ماهي غريبه لاانجرحـت وتبسمـت
دام الوفـا مالـه مكـان ومـوانـي
والكلمه اللي لاطـرت بالخفـا قمـت
لاجيـت بنطقهـا يعـانـد لسـانـي
حـار الكـلام بداخلـي ماتكلـمـت
كـن الكـلام يزيـد هـم المحانـي
أشيـاء واجـد تـو منهـا تعلمـت
اشره على نفسـي واعانـد زمانـي
درس الزمن خذيـت منـه وتفهمـت
ياكثر مـا أخـذ منـي ولا عطانـي
ابوس راسك يازمـن لـو تكرمـت
كافي ولـك منـي جزيـل امتنانـي
أثر الكلام احيـان يغتالـه الصمـت
وأثر اللسان أحيـان ماهـو لسانـي!!
2019-07-15, 02:41 AM
#1702
ماهو بكيفك عقب شيٍ حصلي
من ذوّق المحتاج يصبر الى احرجْه
خليتني من حلو حاليك احلي
واصبحت مدمن حب والقلب روّجْه
بين العروق وصار مافيه " ملي "
الا وله جُرّه تمرّه وتسهَجْه
وذود الغلا في عشب قلبي تفلي
وتراب صدري للمطر منـْك ما احوجْه
يمحل الى صدّيت ويموت يا اللي
صديت عنـّه والله احياه واخرجْه
ولي خاطر ٍ يسألـْك من لي ياخلي؟
غيبتـْك تلعب به وشوفتـْك تبهجْه
ولي عين حالي دمعها لك يهلي
وانْ رحْت راحت مالح الدمع تزعجْه
غالي ولا يحتاج بسّك تغلي
غلاك اخذ قلبي وروّضـْه واسرجْه
ولو قلت ياعيني بصدره تملي
شافت خفوق ٍ حبك الذرْب توّجْه
وماهو على كيفك عقب ما حصلي
من ذوّق المحتاج يصبر الى ازعجْه
(عطيتني وجهك وانا جيت كلي
محروم والمحروم ما ينعطا وجْه)
2019-07-15, 02:58 AM
#1703
ياقـلـب لا تـتبـع ظعـون المقـفّـيـن = اللـي ســعـوا بجحـودهم يطعـنونك
عقـب الوفا حـل الجفـا والقسا الشين = باعـوك فجـأه واحسب ان يشترونك
اللي تنكرلك واهــو حالـف ن ديــن = واقســم وعـاهــد للابـد مـا يخـونـك
يقول اموت ان غبت عن ناظر العين = وصدّقت ياقلـب العنا . من جنونـك
واليــوم انا بنشدك هـم وينهـم ويـن = ويـن العهـد كـان انهــم. يحـتـرونك
ويـن المسامـر والـولــه والتلاحـين = ويـن القصـيد اللي يهيّض اشـجــونك
والشوق وينـه ! مـا بقـالـه عناويـن = ناره طـفـت.. والحـظ خـيـّب. اظنونك
اقـفـا وعــنا ,,قـد نحـوه الشـياطـيـن = وحالــت مسـافـات المُـقـآسـيم ,دونـك
واليـوم انا اعـزيـك في مـوت حييـن = ماتــوا عسـى رب الخـلايـق بعـونـك
يا قلـب ,,,لا تتبع ظعـون المقـفّيـن = لا تحتــري يا خـــافـقي مـن يخــونـك
2019-07-15, 03:10 AM
#1704
ماهو بكيفك تواصلني تقطعني
اما غلا بين او فضها سيره
ياشين لاجيت تقطع لاتوادعني
ليتك تحس الوداع شلون تأثيره
ياماخذ الحب قل فيني وسمعني
حب على كبر صعب ابدل بغيره
أبحتفظ فيك وادري مانت نافعني
يمكن مع الوقت اقول محبتك خيره
2019-07-15, 03:11 AM
#1705
والله تدري وش اللي معك دافعني
اني معاك انت امارس آخر الغيره
واحب فيك البرود اللي يقاطعني
لو ماتكلمت صمتك صعب تفسيره
ياللي عليك البشر شفها تقاطعني
منين ماوجه الهقوات لك سيره
ياشينها من الخوي قول اتركه طعني
ماغير شره ولا انت بشايفن خيره
ياشينها منك لاجيتك توزعني
في عذرك اللي على هالظرف تجييره
2019-07-15, 03:11 AM
#1706
في داخل صدري اشعارمكنونه
وشوق لاابيات ابكتبها من ذاتي
.
ماحد يحب مثلي حب لمضنونه
هو كل عمري وشمسي وحياتي
2019-07-15, 03:18 AM
#1707
انتي بكف وباقي الخلق فـي كـف
متعليه في وسط قلبـي ولـك شـان
في غير وصلك مالقلبي ترى شـف
محتاج لك يا نور عينـي وشفقـان
لا جابوا اسمك صرت انا تقل مختف
مالي على نفسي الى اطروك سلطان
من غير حبك غضت عيوني الطرف
ياللي جمالك صار للزيـن عنـوان
اريد انا قربك ترى ياغـذا الحـرف
وان ماحصل موتي ودنيـاي سيـان
2019-07-15, 03:28 AM
#1708
اشتاق له شوق القصايد للبيت
لامرعلى شطريحس لوعة حنينه
يذكرني حُبه لا جيت يمه ومريت
ولا تذكرت ماضي ايامه وسنينه
2019-07-15, 07:10 AM
#1709
فيـا قلـب خبـرني إذا شـطـت النـوى
بليلى وصدت عنك ما أنت صانع
فوا كبدي من شدة الشوق والأسى
ووا كـبـدي إنـي إلـى الله راجـــع
فلا خيـر في الدنيـا إذا لم نـزر بهـا
ليلى ولم يجمع لنا الشمل جامع
2019-07-16, 03:40 AM
#1710
ليه الصباح يزيد في وجهه الشوق
ويكشف شعور اللي للاحباب مشتاق
في جيته سهم الوله يرتفع فوق
يموت دونه شوق وتحيا به اشواق
الذين يشاهدون محتوى الموضوع الآن : 19 ( الأعضاء 0 والزوار 19)
(عرض الكل )
الاعضاء الذين شاهدو هذا الموضوع: 50
, , , , , , , , , , , , , , , , , , , , , , , , , , , , , , , , , , , , , , , , , , , , , , , , ,
تعليمات المشاركة
لا تستطيع إضافة مواضيع جديدة
لا تستطيع الرد على المواضيع
لا تستطيع إرفاق ملفات
لا تستطيع تعديل مشاركاتك
كود HTML معطلة
المواضيع المتشابهه
الموضوع
كاتب الموضوع
المنتدى
مشاركات
آخر مشاركة
موضوع بحث عن مرض السكري
تاج الغلا
۩{ الصحة والطب البديل }۩
11
2019-08-19 07:07 AM
نناقش موضوع مهم
عبير الورد
۩{ بحر النقاش والحوار }۩
8
2019-01-27 07:17 AM