موضوع مليون بيت شعر

الضيق في صدري كسر حاجز الصمت
فجـر براكيـن الكـلام وحكـانـي

ماطاب لي خاطر حسافـه ولا نمـت
كلـه سبايـب همـي اللـي حدانـي

البارحـه مليـون مــره تالـمـت
داويت جرح وبان لـي جـرح ثانـي

ماهي غريبه لاانجرحـت وتبسمـت
دام الوفـا مالـه مكـان ومـوانـي

والكلمه اللي لاطـرت بالخفـا قمـت
لاجيـت بنطقهـا يعـانـد لسـانـي

حـار الكـلام بداخلـي ماتكلـمـت
كـن الكـلام يزيـد هـم المحانـي

أشيـاء واجـد تـو منهـا تعلمـت
اشره على نفسـي واعانـد زمانـي

درس الزمن خذيـت منـه وتفهمـت
ياكثر مـا أخـذ منـي ولا عطانـي

ابوس راسك يازمـن لـو تكرمـت
كافي ولـك منـي جزيـل امتنانـي

أثر الكلام احيـان يغتالـه الصمـت
وأثر اللسان أحيـان ماهـو لسانـي!!

جــــود ♚ ,صقر معجبون بهذا

ماهو بكيفك عقب شيٍ حصلي
من ذوّق المحتاج يصبر الى احرجْه

خليتني من حلو حاليك احلي
واصبحت مدمن حب والقلب روّجْه

بين العروق وصار مافيه " ملي "
الا وله جُرّه تمرّه وتسهَجْه

وذود الغلا في عشب قلبي تفلي
وتراب صدري للمطر منـْك ما احوجْه

يمحل الى صدّيت ويموت يا اللي
صديت عنـّه والله احياه واخرجْه

ولي خاطر ٍ يسألـْك من لي ياخلي؟
غيبتـْك تلعب به وشوفتـْك تبهجْه

ولي عين حالي دمعها لك يهلي
وانْ رحْت راحت مالح الدمع تزعجْه

غالي ولا يحتاج بسّك تغلي
غلاك اخذ قلبي وروّضـْه واسرجْه

ولو قلت ياعيني بصدره تملي
شافت خفوق ٍ حبك الذرْب توّجْه

وماهو على كيفك عقب ما حصلي
من ذوّق المحتاج يصبر الى ازعجْه

(عطيتني وجهك وانا جيت كلي
محروم والمحروم ما ينعطا وجْه)

جــــود ♚ ,ملكة الحنان معجبون بهذا

ياقـلـب لا تـتبـع ظعـون المقـفّـيـن = ‎اللـي ســعـوا بجحـودهم يطعـنونك
عقـب الوفا حـل الجفـا والقسا الشين = ‎باعـوك فجـأه واحسب ان يشترونك
اللي تنكرلك واهــو حالـف ن ديــن = واقســم وعـاهــد للابـد مـا يخـونـك
يقول اموت ان غبت عن ناظر العين = ‎وصدّقت ياقلـب العنا . من جنونـك
واليــوم انا بنشدك هـم وينهـم ويـن = ويـن العهـد كـان انهــم. يحـتـرونك
ويـن المسامـر والـولــه والتلاحـين = ويـن القصـيد اللي يهيّض اشـجــونك
والشوق وينـه ! مـا بقـالـه عناويـن = ناره طـفـت.. والحـظ خـيـّب. اظنونك
اقـفـا وعــنا ,,قـد نحـوه الشـياطـيـن = وحالــت مسـافـات المُـقـآسـيم ,دونـك
واليـوم انا اعـزيـك في مـوت حييـن = ماتــوا عسـى رب الخـلايـق بعـونـك
يا قلـب ,,,لا تتبع ظعـون المقـفّيـن = لا تحتــري يا خـــافـقي مـن يخــونـك

جــــود ♚ ,صقر معجبون بهذا

ماهو بكيفك تواصلني تقطعني
اما غلا بين او فضها سيره

ياشين لاجيت تقطع لاتوادعني
ليتك تحس الوداع شلون تأثيره

ياماخذ الحب قل فيني وسمعني
حب على كبر صعب ابدل بغيره

أبحتفظ فيك وادري مانت نافعني
يمكن مع الوقت اقول محبتك خيره

ملكة الحنان ,جــــود ♚ معجبون بهذا

والله تدري وش اللي معك دافعني
اني معاك انت امارس آخر الغيره

واحب فيك البرود اللي يقاطعني
لو ماتكلمت صمتك صعب تفسيره

ياللي عليك البشر شفها تقاطعني
منين ماوجه الهقوات لك سيره

ياشينها من الخوي قول اتركه طعني
ماغير شره ولا انت بشايفن خيره

ياشينها منك لاجيتك توزعني
في عذرك اللي على هالظرف تجييره

ملكة الحنان معجب بهذا

‏في داخل صدري اشعارمكنونه
‏وشوق لاابيات ابكتبها من ذاتي
‏.
‏ماحد يحب مثلي حب لمضنونه
‏هو كل عمري وشمسي وحياتي

ملكة الحنان ,صقر معجبون بهذا

انتي بكف وباقي الخلق فـي كـف
متعليه في وسط قلبـي ولـك شـان
في غير وصلك مالقلبي ترى شـف
محتاج لك يا نور عينـي وشفقـان
لا جابوا اسمك صرت انا تقل مختف
مالي على نفسي الى اطروك سلطان
من غير حبك غضت عيوني الطرف
ياللي جمالك صار للزيـن عنـوان
اريد انا قربك ترى ياغـذا الحـرف
وان ماحصل موتي ودنيـاي سيـان

جــــود ♚ ,ملكة الحنان معجبون بهذا

اشتاق له شوق القصايد للبيت
‏لامرعلى شطريحس لوعة حنينه
‏يذكرني حُبه لا جيت يمه ومريت
‏ولا تذكرت ماضي ايامه وسنينه

صقر معجب بهذا

فيـا قلـب خبـرني إذا شـطـت النـوى
بليلى وصدت عنك ما أنت صانع
فوا كبدي من شدة الشوق والأسى
ووا كـبـدي إنـي إلـى الله راجـــع
فلا خيـر في الدنيـا إذا لم نـزر بهـا
ليلى ولم يجمع لنا الشمل جامع​

جــــود ♚ معجب بهذا

ليه الصباح يزيد في وجهه الشوق
ويكشف شعور اللي للاحباب مشتاق

في جيته سهم الوله يرتفع فوق
يموت دونه شوق وتحيا به اشواق

صقر معجب بهذا