حبك ترى في داخل القلب هو قار

اشفق على شوفتك في كل الامرار
انـت الـذي ودي بشوفـه ودايـم


اعلنت [ حبـك ] للمـلا سـر وجهار
شفني مولـع في غرامـك وهايم



قطعت في حبك مسافات واخطار
ولاطعـت في حبـك عـواذل ولايـم



حبك ترى في داخل القلب هو قار
وعن غيرك من الغيد مقفي وصايم



سبحـت في حبك محيطات وابحار
وجنـيـت مـرجانــه ودره غنـايـم



لك داخل ضلوعـي محـبه ومقـدار
ولك خاطـرً في شوفتك دوم رايم



ولك عاشقً دايـم على روحك يغـار
يـغـار في حـبك تـقوم القـوايـم



كتبـت فـي حـبك دواويـن واشعـار
وفي بحر حبك صرت سباح عايم



اهيـم في حبـك ولو صـار ماصار
وانـا لـجل حـبك قـوي الـعزايم



تفداك روحي ولو تبي تطلب اعمار
قـدمت عمـري لجل عـينك تمـايـم



القلـب بيتك وانـت في داخل الدار
ودار ً بـدونك والله ياهـي حـطايم

الموضوع الأصلي: حبك ترى في داخل القلب هو قار |~| الكاتب: الهاوي |~| المصدر: منتديات بحر الامل

بحر الامل

بحر الامل

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مفاتيح , ستايلات , صيانه , تهيئة , قواعد , سيرفرات , استضافه , مناضر, جوالات

♕حُلوة الحُب♕ ,اسم مؤقت ,صقر معجبون بهذا