في غيابك.. مـا لخلـق الله حضـور

يا وسيع البـال .. ضيقـت الصـدور
رحت ما علمتني وين انـت سـاري؟

في غيابك.. مـا لخلـق الله حضـور
وفي حضورك.. ما لهم بالبال طـاري

ليـه مـا تختـال يـا بـدر البـدور
و القصايد لك وصيفـات و جـواري

لـك بنـات الفكـر ربـات الخـدور
يكشفن الثامهـن.. و الجـرح عـاري

جعل قلب مـا مـلاه الصـدق نـور
عند وجه اريح.. مـا يلقـى مـزاري

التغاضـي عجـز لا طـال القصـور
ليه أداري؟.. و انت عني منت داري؟؟

الزمـان قصيـر .. والدنيـا تــدور
كل يوم يضيـق فـي عينـي مـداري

صاحبي محتاج لـك شعـر و شعـور
و إحتياجي شي.. ما كـان إختيـاري

من متى و الغصـن يختـار الطيـور
من متى و البـال يختـار الطـواري؟

لا تسمي صمتـي البـارح .. غـرور
إنكساري خلف هالصمـت امتـواري


في غياب الشمس وش ذنـب الزهـور
و المطر لا شح وش ذنب الصحـاري؟

اللقـا لحظـات و الغيـبـه شـهـور
تقصر الخطوات و يطـول انتظـاري

لو قريـت المنكتـب بيـن السطـور
ما كتبـت لغلطـة العمـر اعتـذاري

صمت هالمينا.. مثل صمـت القبـور
ما رسى مركب.. ولا لاحت صواري

الموضوع الأصلي: في غيابك.. مـا لخلـق الله حضـور |~| الكاتب: ♕ السلطااانه ♕ |~| المصدر: منتديات بحر الامل

بحر الامل

بحر الامل

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مفاتيح , ستايلات , صيانه , تهيئة , قواعد , سيرفرات , استضافه , مناضر, جوالات

شموخ ,سمو الاميرة ,صقر معجبون بهذا