يامدور الهين ترى الكايد أحلى

يامدور الهين ترى الكايد أحلى
اسأل مغنّي كايدات الطروق

الزين غالي لكن الأزين أغلى
ولكل شرايٍ بضاعة وسوقِ

النوّ عالي والسما فوقه أعلى
لا فاق علمٍ جاه علمٍ يفوقِ

الصعب هلاّ قلت ياصعب سهلا
دامك تبيني فانت ياصعب شوقِ

أحب أعسف المهرة اللي تغلى
واحب أروّض كل طرفٍ يموقِ

واحب أسافر مع سحاب تعلّى
واحب فوق الغيم لمع البروقِِِِ

واحب اساهر بدري اللي تجلى
وارسم شعاع الشمس عند الشروقِ

يامن على ثاير فوادي تولّى
خلّك على قلب الكرامة شفوقِ

أكرم عزيزٍ بالعمر ماستذلّى
يسوق عمره للمشاريف سوقِ

اخترتك من الناس للقلب خلّى
ياحيثك مرادي وكيفي وذوقي

مارحت أدوّر كل زولٍ تحلّى
لولاك تسوى ماعطيتك خفوقي
للامير خالد الفيصل

الموضوع الأصلي: يامدور الهين ترى الكايد أحلى |~| الكاتب: لولوه |~| المصدر: منتديات بحر الامل

بحر الامل

بحر الامل

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مفاتيح , ستايلات , صيانه , تهيئة , قواعد , سيرفرات , استضافه , مناضر, جوالات

♕حلوة الحب♕ ,عبيرالورد ,ورد القلب معجبون بهذا