تكاثر علي الله يجازيه كيف الحال ..

تكاثر علي الله يجازيه كيف الحال ..







على الهون ياجرح المفارق وضيق البال ..
.. .. .. .. على الهون ياهمٍ سطابي وقدّرته .!
اعزك لو انك جرح ومجاهدك قتال ..
.. .. .. وروضت جسمي لأجل رقمك وصبرته .!
لأجل من ملك قلبي من الجال لين الجال
.. .. .. وفجّيت له بابٍ عن الناس سكرته .!
وحطيت له عن شمس قيظ الغرام اظلال ..
. .. .. .. وشـيّـدت له بـيـتٍ بقلبي وعمرته .!
حفظته ودلّلته وغنيت له موال ..
. .. .. .. وتخـيّرت قـربه لـيـتـني ماتخيرته .!
رعى ريف قلبي لين صارالحشا مدهال ..
.. .. .. وعــن مـدهـله جنّبت غيره وذيرته .!
اداري عليه من الزعل وأزعل العذال ..
.. .. .. وخطاه ان كبر في عين غيري تصاغرته .!
سقيته من عدود الغلأ والغرام زلال ..
.. .. .. بعـد ماجذب مــن دم قلبي وصدّرته .!
وقبل لايغطي ليله المنتـثر بالشال ..
. .. .. .. سرقت الكرا من نون عينه وسهرته .!
ونقش كل حرفٍ من حروفي على السلسال ..
.. .. .. .. تباهى بها واغاظ ناسٍ مجـاكرته .!
وبعد كل هالتقدير والحب والإجلال ..
.. .. .. .. تغيّر وهقواته عـليـه مـغـيرته .!
تكاثر علي الله يجازيه كيف الحال ..
.. .. .. .. وانا يوم أسوق العمر له ماتكاثرته .!
لبسته ثياب الغطرسه لين جاء يختال ..
.. .. .. .. وكبر في عيونه يوم الأوهام غررته .!
واذا السالفه ضحك ومهازل ولعب عيال ..
.. .. .. خبطت الغصن لين أبرق الريش طيّرته .!
خلصنا وقفلنا الصناديق بالأقفال ..
.. .. .. .. ومن جور حكمه كامل القلب حررته .!

الموضوع الأصلي: تكاثر علي الله يجازيه كيف الحال .. |~| الكاتب: جميله |~| المصدر: منتديات بحر الامل

بحر الامل

بحر الامل

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مفاتيح , ستايلات , صيانه , تهيئة , قواعد , سيرفرات , استضافه , مناضر, جوالات