يفداك عمري بالغلا مع سنيني

أي والله أحبك واقدرك وأغليك
وتكبر بدونك ضيقة الصدر فيني

انت الأماني كلها دون تشكيك
وبلسم شفا للروح يانور عيني

يسعد صباحك كل ماحل طاريك
ويسعد مساك أعداد ماتحتريني

صوت الحنان اللي بشعري يناديك
يفداك عمري بالغلا مع سنيني

أن جيت شوقي بالمحبه يناجيك
وأن رحت كل الهم بعدك يجيني

لو غبت عني ماتناسيت ماضيك
والعهد وافي .. ياغلاي وحنيني

ياما ذكرتك وأزرق الدمع يبكيك
وفيض المشاعر تحتظر في كنيني

جزل القصيد يسامرك في لياليك
يحكي لك اللي بالخفا يعتريني

أسمع صدى صوتن تضمه محانيك
اللي بقى في خافقك يرتجيني

حروف مكتوبه من أحساس غاليك
فيها الغلا مابين قلبك وبيني

قلب يحبك تملكه بين اياديك
تسري بشريانه إلى اقصى الوتيني

وعيني بعد فرقاك وشلون ترثيك
يوم أتذكر مامضى من سنيني

جعل السعاده تتبعك في خطاويك
ومن وين ماوجهت قلبك يبيني

الموضوع الأصلي: يفداك عمري بالغلا مع سنيني |~| الكاتب: الهاوي |~| المصدر: منتديات بحر الامل

بحر الامل

بحر الامل

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مفاتيح , ستايلات , صيانه , تهيئة , قواعد , سيرفرات , استضافه , مناضر, جوالات

اسم مؤقت ,صقر معجبون بهذا