بدأ الهوى غرسه وصار الهوى أثمار

يا دار ويـن احبابنـا اليـوم يـا دار
.. .. .. .. ..يا دار ويـن الحـب ويـن المحبيـن

يـا دار كيـف تبدلـت جنتـك نـار
.. .. .. .. .. وتغيرت الأحـوال حيـنً بعـد حيـن

هنـا لوقفـات المهـا باقـي آثــار
.. .. .. .. .. هنـا لعبنـا بالسواقـي وبالطـيـن

هنـا تبادلنـا خفـيـات الأســرار
.. .. .. .. .. تقول لي تكفـى وانـا أقـول تكفيـن

كانت تحاسبنـي علـى كـل مشـوار
.. .. .. .. .. وتقول سر الحـب يعلـم بـه أثنيـن

كانت تحذرني وتخشـى مـن الجـار
.. .. .. .. .. كانت تقول أنت النظر داخـل العيـن

بدأ الهوى غرسه وصار الهوى أثمار
.. .. .. .. .. أثمر وذقنـا جنـة الخـوخ والتيـن

ولا حسبنـا مـا تخفـيـه الأقــدار
.. .. .. .. .. واللي جـرى مـن قبلنـا للملاييـن

أختل قصـر الحـب وأنهـد وأنهـار
.. .. .. .. .. وأصبح غباره طاير(ن) كنه اطحيـن

رحنا وهم راحوا وصار الـذي صـار
.. .. .. .. .. والبيت عقب أحبابنا صاير ( ن ) شين

يـا دار مـا عينـت مثـلـك ولا دار
.. .. .. .. .. اللي ربابـك صاحبـي كامـل لزيـن

لاجت هبوب الريـح منهـم بتذكـار
.. .. .. .. .. أعوي عوي سرحان والناس ممسيـن

وإن اصبحوا وأمسوا وفي أي الاقطار
.. .. .. .. .. ياما تخبـرت الهبايـب عـن الزيـن

وليا ذكرته شب فـي ضامـري نـار
.. .. .. .. .. أنا اشهد ان أهـل المحبـة مساكيـن

وأسكب دموعي لأجلهم مثل الامطـار
.. .. .. .. .. وأبكي وأسوي ما يسـوي المجانيـن

الموضوع الأصلي: بدأ الهوى غرسه وصار الهوى أثمار |~| الكاتب: الهاوي |~| المصدر: منتديات بحر الامل

بحر الامل

بحر الامل

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مفاتيح , ستايلات , صيانه , تهيئة , قواعد , سيرفرات , استضافه , مناضر, جوالات

صقر ,مشمشة معجبون بهذا