ماعاد تفرق معاي ان رحت ولا رجعت

ماعاد تفرق معاي إنْ رحت والا رجعْت
_ جيَّتْك / والا عدم جيَّتْك / عندي استوَت
.
علمني الوقت يوم إني صغير وسمعْت
_ النفس / تظهر ملامحها على ما حوٓت
.
وانا على حسْب ما شفته معك وإطلعْت
_ نفسي قوَت / يوم لك نفْسٍ لبعدي قوَت
.
وش نزَّلك منت كنت اتشوف بأنْك إرتفعْت
_ الظاهر إنَّك دريت / إن الخطاوي هوَت
.
والظاهر إنَّك دريت إنَّك نزلت و خضعْت
_ مؤلم شعور النفوس / اللي تجي لـَ أنكوَت
.
ماقول ما كنت نجمٍ في حياتي سطعْت
_ لكن يا كثر النجوم اللي طفَت من ضوَت
.
وما آقول كارهْك / لكنِّي بعَدْك إقتنعْت
_ إنَّ المحبَّة لها أغصانٍ / من إيدك ذوَت
.
وما قول ماضقْت / لكنِّي بعَدْك إستطعْت
_ أروِّض ذيابة الضيقة / بعَد ما عوَت
.
قصرت فيني وخاويت الغياب وقطعْت
حتى رويت العيون مْن الجفا وإرتوَت
.
والحين ناوي تبي ترجع بعَد مـَ انت بعْت
_ نويت ترجع / ولكن عزتي ما نوٓت
.
ياليتك بيوم فرقانا / بوجهي دمعْت
على الأقل مـَ أعتبرتك / صفحةٍ وإنطوَت

الموضوع الأصلي: ماعاد تفرق معاي ان رحت ولا رجعت |~| الكاتب: عبير الورد |~| المصدر: منتديات بحر الامل

بحر الامل

بحر الامل

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مفاتيح , ستايلات , صيانه , تهيئة , قواعد , سيرفرات , استضافه , مناضر, جوالات