لو خسرتك ماخسرت العمر والدنيا متاع

لو خسرتك ماخسرت العمر والدنيا متاع..
وأدري إني لو خسرتك ماخسرت إلا القليل..

بس فكر زين ..تعرف من خسر فينا وضاع..
وتعرف إنك لو تلف الأرض.. وتدور بديل..

والله إن تبطي ..ولو لفيت كل البقاع..
ولو تسوي وش تسوي ماأنت لاقي لي مثيل..

وين تلقى مثل شخصي شخص..وطباعي طباع..
ووين تلقى مثل قلبي قلب..أو مثلي خليل..

البشر واحد..نعم..لكن فرق الإنطباع..
يجعلك يمي تميل ..ويم غيري ماتميل..

يارفيقي إنتبه..!وأحسن إلي الإستماع..
للمواقف دور في كشف المزيف..والأصيل..

وأنت ماقصرت فيني ..موقفك جداً شجاع..
طعنتك بالظهر فعلاً كانت إثبات ودليل..

بيض الله وجهك اللي ساتره تحت القناع..
ورايتك بيضا معاي وياعسى عمرك طويل..

يعني أعطيك الثقه وتردها بـ < لوي الذراع> ..
ياخي ما شاء الله عليك أبدعت في رد الجميل..

مدري كيف أشكرك ؟؟مدري كيف أرد الصاع صاع؟..
كنت احسب إنك عزيز النفس..تطلع لي ذليل!!..

كم وأنا عيت أصدق فيك قدر المستطاع..
من غبائي كنت أسكت وأعذرك وأثر الحصيل؟..

جرح قلب.. ميزته في كل يوم الإتساع..
ودمع عين ينهمر من ضيقتي..في كل ليل..

والله إني كنت أحبك حب.. وأتبعك إتباع..
كنت لجل أرضي غرورك بس أسوي المستحيل..

كنت أعمى فيك..لالا كنت ميت للنخاع..
كنت مدري كيف؟ لكن كنت صادق معك حيل..

كنت أمارس في غرامي لك سياسة الإنصياع..
وكنت لاغي معك فكرة أعتزل أو أستقيل..

إندفعت بكل مافيني ..وسوء الإندفاع..
يجبر الإنسان أحياناً.. يفكر بالرحيل..

صدمتي فيك إنت..خلتني أفكر بإقتناع..
إن قتل النفس راحه لو أنا كنت القتيل..

إنفجر راسي من التفكير..وإزداد الصداع..
كيف أنا بفتك من جرحك؟؟ودوشة<<قالٍ وقيل>>..

صرت سيره في حلوق الناس وتالي هالضياع..
أنتحر!! معقول ؟؟ يالله وش هذا الغليل؟؟..

رحمتك يارب لامن ضاقت امنحني الوساع..
إنت حسبي في الزمان الجاير ونعم الوكيل..

لاغدى < مستقبلي والماضي > أطراف النزاع..
وصفحة الماضي سواد وشيء من هذا القبيل..

فلازم أنسى لجل أنهي بداخلي هذا الصراع..
ولازم أتقوى ..عشان أحقق النصر الجليل..

وطالما إن الهجوم أفضل وسيله للدفاع..
مستحيل أرضخ لو إن الحمل ياربعي ثقيل..

والبخيل اللي نساني وإشترى فيني.. وباع..
يذلف الله لايرده.. والله بجرحي كفيل..

وإن سأل عني..وجاكم بعد فترة إنقطاع..
علموه إني نسيته بس أنا ماني بخيل..

طالما كان السبب في قوتي.. قبل الوداع..
بلغوهـ أقل شيء بخالص الشكر الجزيل

الموضوع الأصلي: لو خسرتك ماخسرت العمر والدنيا متاع |~| الكاتب: عاشق الغيم |~| المصدر: منتديات بحر الامل

بحر الامل

بحر الامل

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مفاتيح , ستايلات , صيانه , تهيئة , قواعد , سيرفرات , استضافه , مناضر, جوالات

ملكة الحنان ,نوفا ,صقر ,جــــود ♚ معجبون بهذا

قصيدة بقمة الروعه
اختيار ذوووووووووق
سلمت وسلم ذووووووووووقك
لاخلينا من عطـآءك المميز يَ رب !
وَ بشووق لـِ جديدك العذب
ودي وتقديري

صقر ,عاشق الغيم معجبون بهذا

شكرا للمجهود

صقر معجب بهذا

تسلم يمناك على الاختيار
يعطيك العافيه
ربي لايحرمنا من جديدك القادم
ودي وباقه ورد
صقر

عاشق الغيم معجب بهذا

أبيات في قمة الروووعه
تسلم أيدكِ ع الطرح المميز لاعدمنـآك ,...
بانتظارجديدك بكل شوق

عاشق الغيم معجب بهذا

ازدادت صفحتي وتلألأت بمروركم الكريم
دام لي هذا المرور الراقي معطرا ومضيئا لصفحاتي

أبيات حيل مميزه

راقت لي حيل بحساس معزوفه
دوما تتحفنا بأروع واقوى الابيات
احييك على جمال حروفك يالذوق
لاخلا ولا عدم منك ومن روعة جديدك

عاشق الغيم معجب بهذا

ازدادت صفحتي وتلألأت بمروركم الكريم
دام لي هذا المرور الراقي معطرا ومضيئا لصفحاتي