شاعر زوجته ما عطته وجه في رمضان

شاعر زوجته ما عطته وجه في رمضان..؟؟

لانها مشغولة بالعبادة
ارسل لها ابيات : لكن ردت عليه باشد منها..

لا تحسبين الصوم ذكرن وقرآن..
ولا تحسبينه في صلاة التراويح ..

ولا تحسبينه بذل وانفاق واحسان..
وكثرة دعاء يتبعه كثرة تسابيح..

ولا تحسبينك لا دعيتي بغفران..
ما عاد عندك شيء يحتاج تصحيح..

ياللي تبين الله يجازيك بجنان ..
زوجك نبيه إذا اشتهى هبة الريح..

لا تهجرينه يركبه ألف شيطان..
وهو يطالع في البنات المماليح..

يتعب يقلّب في قنوات لبنان ..
يدوخ لا شاف الوجيه المصابيح..

داري الضعيّف لا بغى النوم خرمان..
قام يتقلب وافهمي منه تلميح ..

ترى بعضنا لا اشتهى الخير ولهان..
ما هوب لازم يطلب الكيف تصريح..

يا بنت نجد الزوج ما هوب شيطان..
عطيه حقه لا يجي يوم ويصيح ..

ههههههههههههههههههههههههہ

ردت عليه الزوجه وقالت:

أنشهد أنك حيل شااااااااااعر وفنان
وشعرك يا حبي مايبي زود توضيح

تنضم بيوت الشعر لا صرت خرمان
وقبله ما شفنا منك أدنااااات تمديح

همك على نفسك تبي الكيف طربان
والناس بالشهر الفضيل ذكر وتسبيح

قبل رمضان وأنتا شبيهي يا طقعان (هههههههههههههههه)
ترقد بجنبي ومولعن كل المصابيح

يدك على الريموت والحيل تعباااااان
ونفسك بخشمك والمشاعر لها شحيح

لو أتزين حيل والعطر ريحه جنااااان
وألبس لك الفستان شفاف كما الريح

ما ني على بالك و بعينك كما الجان
ومنتى مثل بعض الرجال الطحاطيح

تعطيني مقفاك وتون مرضاااااااااان
وأنا أتقلب بالفراش مثل المجاريح

خلنا نتغانم شهرنا بصووووم وقرآن
وربي يكتبنا مع النااااااااس المفاليح

وبعد رمضااااااااان ورنا جود كحيلان
وخل التبكبك عنك ودموع التماسيح

الأيام قدامك على طول الأزماااااااااان
ورنا الشطاره لا تركب يومين و تطيح..


ههههههههههههههههههههههههه ههههههههههههههههههه

الموضوع الأصلي: شاعر زوجته ما عطته وجه في رمضان |~| الكاتب: صقر |~| المصدر: منتديات بحر الامل

بحر الامل

بحر الامل

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مفاتيح , ستايلات , صيانه , تهيئة , قواعد , سيرفرات , استضافه , مناضر, جوالات