أحّن و تـحّـن لك روحي و تحيّا بشوفتك العروق

كبير الـشـوق لو تدري الوَلَه له عهد و له حقوق
على مـن حَنّ و تولَّه .. سهر ليله .. و مسَك زامه

أعَرفك يا بَعَد عمري جنابك في السما من فوق
واشوفك يا مَعَالي الحب و غيري الحب ما رامه

و عيني يا نـظـر عيني تـعـادل مـن غـلاك الموق
وانا لا لي فـ روُي الـعـيـن .. و قلبي النظر سامه

و قـلـبي يا نبض قلبي .. على كثر المحبّه شفوق
تــلــوُم الــنــاس في حبّه .. ولا يصِّد للذي لامه
:
يعّل يسقى صباحٍ فيه من شمسك طلوع شروق
يا لين الليل سـهـر حبّك .. و غلاك اللّيل ما نامه

في قلبي تنبض محبّتك .. وانته يا نبض الخفوق
عشانك يا سـمـوّ الـحـب عشقت الغيم و رهامه

أحّن و تـحّـن لك روحي و تحيّا بشوفتك العروق
و يَـسـفـر قلبـي بشوفك .. يعيِّد و يبتدي عامه

تسابق شوقي بوصلك وانت لي بالمحبّه سبوق
و عـنـدك يـا عزيز الشان .. قَدر القلب و إكرامه
:
مــعــاك أحـسّ بـ الدنيا هواها حـبّـك الماثوق
ودونك ما أروم الــحــب و قلبي الحب ما رامه

يبقى الطِيب فـي قلبٍ يحبّك و العَتَب مرفوق
تــأكَــد بـأن قـلـبـي في غـلاك يــخَــلّــد أيامه

وصـوتـك لا سرى فـيـنـي ألّبي يا أَحَّب مخلوق
لـبّـيـه يوم اصــغــي له .. قـلـبـي يفارق الآمه

أحبّك قلتها عن حب .. يدوم الحب وربي فوق
ويديمك يا غـلا روحي .. و حـبّـك فالعمر دامه

الموضوع الأصلي: أحّن و تـحّـن لك روحي و تحيّا بشوفتك العروق |~| الكاتب: عاشق الورد |~| المصدر: منتديات بحر الامل

بحر الامل

بحر الامل

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مفاتيح , ستايلات , صيانه , تهيئة , قواعد , سيرفرات , استضافه , مناضر, جوالات

روان ,عبيرالورد ,♕حلوة الحب♕ ,احمد ,ناديين ,ناطق العبيدي معجبون بهذا