جيت المكان الي قبل نلتقي فيه

جيت المكان الي قبل نلتقي فيه
وضاقت علي الارض ساعت ذكرته

ماكان لي نيه اجي في حراويه
بس الصدف جابته قدمي وزرته

وقفت اطالع كل حاجه واناديه
وسمعت صوتي من صداه ونكرته

حتى بعد صوتي نكرته وانا اغليه
كله لجل صوتٍ هجر ما هجرته

وقمت اتذكر فـ الزمان وبلاويه
الي كسرني ولا انا ما كسرته

هناك اذكر كانت ايدي بيديه
الله من ليلٍ بقربه سهرته

افرشله ذراعي وجفني يغطيه
وشوقي ليا من فاض عنده نثرته

اللي يبي مني اسوي .. اسويه
ياما كسره الوقت كسر وجبرته

اجمل ليالي العمر كانت لياليه
خسرت كل حاجه بليلة خسرته

وهناك راح ولا طلبني اخاويه
وهناك انا سنتين ضاعت نطرته

اقفى وانا ما قلت له مقفيٍ ليه
ليته تعذر بأي عذر وعذرته

لكن امانه يالمكان ومبانيه
كانه مع الايام جاك ونظرته

قله يقول الي تعب من طواريه
الموت كنك في يديك اختصرته

وقله بعد من راح وراحت لياليه
كل شي احبه في حياتي خسرته

الموضوع الأصلي: جيت المكان الي قبل نلتقي فيه |~| الكاتب: ♕حُلوة الحُب♕ |~| المصدر: منتديات بحر الامل

بحر الامل

بحر الامل

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مفاتيح , ستايلات , صيانه , تهيئة , قواعد , سيرفرات , استضافه , مناضر, جوالات

عذبة المعاني ,همسات ♕ ,نسرين معجبون بهذا