هسه ابدوا
ضيفوا الطحين نص كوب واعجنوا كل مرة نص كوب واضربوا العجينة حيل موتوها كتل
هع ممكن متحتاجون الطحين كله اني مثلا اكو انواع طحين اخذ الكمية كلها
واكو لا وهذا يعتمد على نوعية الطحين وحجم البيضة
شوفوا هذا الطحين اللي زاد عندي
الى ان تتشكل
الكم كتلة من العجين اخذوها على سطح مرشوش طحين وابدوا اعجنوا بيها حوالي 8
الى 10 دقايق الى ان تحصلون على عجينة ناعمة ومتلزك بايديكم ومطاطية
وموقاسية وطبعا اللي عنده عجانة تسهل هوواي عليه
اتركوها ترتاح حوالي ربع ساعة بس وتعالوا قسموها الى 16 كرة متساوية
ولفواها
بشكل اسطواني وخلوها بصينية مدهونة اني هنا استخدمت ورق حتى مااغسل صواني
اموت منهن امسحوهن بحليب حتى تنطيه لون حلو من ينخبز
اقفلوها هيجي بالاخير وحاولوا مكان القفلة يصير ليجوة من تحطوها بالصينية
خلوا مسافة بين كل وحدة والثانية لان راح يكبر حجمها من تتخمر
بعد ساعتين
تعالوا دخلوهن بفرن محمي على درجة حرارة 200 مئوي حطوها بنص الفرن راح تاخذ
منكم 10 دقايق طفوا الجوة وافتحوا الفوك وابقوه يم الفرن لاترحون تلتهون
بشي ثاني ترة بسرعة يصير بعد مااخذ اللون الحلو جيبوا سوليفان وغطوا
الصينية كامل بيه وفوكاه شرشف نظيف يبقة فد ربع ساعة حتى يصير طري بفعل
البخار
2019-12-03, 03:11 PM
كلات عراقيه ,طريقة عمل الصمون
