فزت الاشواق

فزت الاشواق

فزت الاشواق واحتار الكلام
وابتدى يوم من العمر محسوب

دقت الساعه وله شوق وغرام
ساعتي اثنى عشر بعد الغروب

ابتدت تركض ثوانيها حرام
كل شمعه من بعد شمعه تذوب

في القمر نوره فضح ستر الظلام
ما ترك له من بقايا الليل ثوب

هز غصن الشوق ويطير الحمام
طيرك اللي يعجبك فوق الهبوب

كثر اسباب العتب وانسى الخصام
الهوى ما فيه غالب ومغلوب

ولا احد اصلا يحب الانهزام
لا ولا واحد على الحب مغصوب

لو يراعي فارق الوقت المقام
ما تراعي فارق الوقت الدروب

خل عيني لو ربع ساعه تنام
وشدني مثل الشفق يم الغروب

لو نسيتك قل على الدنيا السلام
وانت لا تنسى مواعيد القلوب

الله من الشوق في وادي الهيام
والله من الصدق يالفجر الكذوب

عيد الاضحى لو صدف عيد الصيام
ماحدن يقدر عن الثاني يتوب

ممارق لي

الموضوع الأصلي: فزت الاشواق |~| الكاتب: مشمشة |~| المصدر: منتديات بحر الامل

بحر الامل

بحر الامل

العاب ، برامج ، سيارات ، هاكات ، استايلات , مسابقات ، فعاليات ، قصص ، مدونات ، نكت , مدونات , تصميم , شيلات , شعر , قصص , حكايات , صور , خواطر , سياحه , لغات , طبيعة , مفاتيح , ستايلات , صيانه , تهيئة , قواعد , سيرفرات , استضافه , مناضر, جوالات

ناطق العبيدي ,صقر معجبون بهذا