موضوع مليون بيت شعر

ياويل قلبي دون حسك وطاريك
وياصعب حالي كيف حالي بدونك
اسهر طوال الليل و بليلي اسريك
وعلمت نجوم السما مثلي يحبونك

كل الغلا والشوق من خافقي جاك
‏مابـــدله مهما حصـــل من معانات
‏لأنك ملكــت القلـب والروح تفداك
‏وللحب معنى معك وبدونك آهات

يا جنـون الحب وعـروش الخيـال
يا سنـام الطيب يا الغصن الندي

ان دعاك الشوق لـ احضـاني تعـال
بـاسـط لـگ ياالـغـلا راحة يـدي

التقيـنــا اغــراب فـي أول لـقاء
وانتزعنـا الحب من فك السراب

يـا عـديل الـروح قلـي وش بقى
مـن جنـون الحب ضيعنا الصواب

انت الغـــلا والوقت دونـك ولا شي
وانت الـــوله والروح تامـر عليها

ان قلت لبيه اذوب كلي وانا حي
وان قلت احبك راحت الروح فيها

سهـران ليلـي مع خيالك ولانمت
وإن نمت طيفك مايفارق منامي

لاقلت أحبك ماهي كلمه وتكلمت
فعلي يترجم ويثبت معنى كلامي

يسج بي هاجوس الافكار واذكرك..
‏وليا ذكرتك بيح الوقت سدي ..
‏اصد عن غيرك علي شان خاطرك..
‏بيني وبين الشوق لا جلك تحدي..

‏اتقي شري اذا بزعل عليك
اقلب الدنيا ولااشوفك بعد
لاتظن من طيبتي ارجع ابيك
تنتهي كل المحبه لك وعد
‎

‏رزقي على اللي اعطى شي مامنّه
والا يدين العرب تعطي ومنّانة
لو شحّو الناس ربي يعطي الجنّة
مايغني الا كريم الوجه سبحانه
والعز للنفس واجب والحيّا سنّة
وانا ايديني من الثنتين مليانة

‎

‏
جفّ الكلام .. اللي تمنيت اقوله
ماباقي إلا الصمت والصمت يكفي