2019-08-29, 11:45 PM
|
|
|
العوامة حصري لبحر الامل
مسااااءووو ياحلوين
اول موضوع الي بمطبخ بحر الامل الحصري
حبيت يكون اشي حلو كله سكر مشان يكون بيناتنا عيش وسكر مش ملح هههههههه
المهم جبتلكم العوامة او اللقيمات مابعرف اذا الها اسم ثالث مابعرف 
طبعآ عوامتي حصرية لعيونكم 
ويللا نبلش بالعوامة الزاكية 
مقاديرها :
2 كوب طحين بنضيف عليه
1 ملعقة كبيرة خميرة فورية
2 ملعقة كبيرة حليب بودر
2 ملعقة كبيرة كسترد او نشا
ملعقة صغيرة فانيلا
2 ملعقة كبيرة زيت نباتي
بنخلطهم كلهم مع بعض منيح
و بعدين بنضيف عليهم
كوب وربع ماي دافية
وبنعجنها منيح وبكون قوامها لين
بنغطيها وبنخليها تخمر مدة ساعة تقريبآ
بعد الساعة بكون حجمها متضاعف هيك
بنعجنها مرة 2
و بنقطعها و بنقليها بزيت ساخن لما تنتهي الكمية كلها
وبنرجع نقليها مرة ثانية مشان تقرمش هاد السر
تعلمته من اسرار امي الله يطول عمرها 
بنحطها بالقطر اللي هو عبارة عن :
2 كوب سكر + 2 كوب ماي + ملعقة كبيرة عصير ليمون
ولما يجهز بنضيف عليه ملعقة كبيرة ماء زهر
وهيك عوامتي صارت جاهزة 
و يللا اتفضلوا يا ال بحر الامل
جربوها وكثيييرر رح تعجبكم ان شالله
و انتظروني ان شالله بوصفات جديدة
في امان الله 
|
|