2018-10-25, 01:35 AM
|
#23
|
عليــك الله وأمـان الله وجـاه الله عزيز الشأن
تراك أقرب من أنفاسي وساكن وسط وجداني
هلا ياصقري ياعمري الحاضر هلا ياحلمي اللي كان
هلا يانشوة الخــافق هلا يانصـــفي الثاني
حبيبي قولها لو كذب أبنسى لوعة الحرمان
حبيبي كلمة أحبـــــك تبّدد فيك حـــــرماني
أشوفك ياصقر جنة الدنيا أشوفك روضة التحنان
أجيك بشوقي العاصف وطيف البعد يحداني
هدير الموج يأخذني وأنا الظامي وأنا الغرقان
على شاطــي غـــلاك اللــي تمنيته وتمــناني
أحسه نبضي وذاتي شعور الشاعر الانسان
كأنه غيمةٍ تطرد سموم القيض بأغصــاني
أو أنه حرف والريشه تجسد صورة الفنان
حبيبٍ يعزف إحساس الغلا ويترجم الحاني
أحبه كثر حبي له وأنا له عاشــقٍ ماخان
وعزاي إني رسمته للوفا بحروف قيفاني
|
|
|
|