منتديات بحر الامل - أحمد السقّا يرُد على هجوم مها أحمد العيش والملح عقد

على الرغم من الهجوم القاسي من جانب الفنانة مها أحمد لكل من النجم أحمد السقا والنجم أمير كرارة، بعد إيقاف التعامل مع المخرج محمد سامي من قبل شركة المتحدة، والحرب الكلامية بين جميع الأطراف، خرج الفنان أحمد السقا ليرُدّ على هجوم مها أحمد لينهي ويحسم الخلاف على مواقع التواصل الاجتماعي.
ردّ السقا عبر صفحته الرسمية على "فيسبوك" كاتباً: "العشرة بتحكم الواحد... والعيش والملح عقد... وعفا الله عما سلف يا أختي العزيزة مها".
https://www.nawa3em.com/UserFiles/Wh....47.42 PM.jpeg

مها أحمد تبرر الهجوم:
كشفت الفنانة مها أحمد سبب خلافها مع الفنان أحمد السقا والامر الذي دفعها لتهاجمه عبر مواقع التواصل الاجتماعي هذا عقب قرار وقف المخرج محمد سامي من قبل الشركة المتحدة.
وفي بث مباشر عبر حسابها على حسابها بموقع التواصل الإجتماعي‎‏، وقالت مها أحمد إنها مرت بفترة قاسية حيث ظلت بلا عمل لسنوات وقررت اللجوء لصديقها الفنان أحمد السقا رغم اعتراض زوجها الفنان مجدي كامل
وقالت مها أحمد: "لجأت لصديق ليا كان زميلي وزميل جوزي، وكان بيروح بيت جوزي وأهل جوزي كانوا فاتحين ذراعيهم ليه والعكس".
https://www.nawa3em.com/UserFiles/Wh....10.20 PM.jpeg
وتابعت:" مش عيب أني أتكلم معاه وأعيط وأقوله أني حزينة بسبب قعدتي في البيت. قولت لمجدي أنا هكلم زمايلنا اللي هما نجوم وأقولهم أني عايزة اشتغل.قالي متعمليش كده عشان متقلليش من نفسك معملتش بكلام مجدي وكلمته وعيطت ودخلت في مرحلة اكتئاب لأني عايزة اشتغل ، بعدها بيومين لقيته بيكلمني يقولي في دور حلو اوي".
وأشارت إلى أن السقا طلب منها أن تتحدث مع المخرج لأنها لم تتعاون معه من قبل ولكنها فوجئت أن المخرج عرض عليها دور أخر "دور كومبارس"وحاولت الاتصال معاتبته ولكنه لم يرد على اتصالاتها.
وأضافت "كنت قولي إنه دور كومبارس ومش هزعل منك".
واختتمت مها أحمد أنها لم تندم على ما نشرته لانها ارتاحت نفسيا ولانها تعالج حتى الآن من القهر والحسرة التي شعرت بهما حينها.

أمير كرارة يرُدّ على مها أحمد:
علق الفنان أمير كرارة، عن الخلاف بينه وبين الفنانة مها أحمد، وكتب كرارة عبر حسابه بموقع تويتر:"مها أختي ومجدي أخويا وأنا، والله ولا زعلان ولا أي حاجة، عشان فعلا الموقف ده محصلش وبرضه مش زعلان منها دي حبيبتي ومجدي حبيبي وأخونا".

شقيقة أحمد السقا ترُدّ على مها أحمد:
ردت فاطمة السقا شقيقة الفنان أحمد السقا على منشور الفنانة مها أحمد الأخير الذي هاجمت فيه نجمين كبيرين شاركا في دراما رمضان لهذا العام مع المخرج محمد سامي وهما أحمد السقا وأمير كرارة.
وقالت فاطمة السقا من خلال صفحتها عبر موقع التواصل الاجتماعي فيس بوك: "الكلام ده موجه ليكي يا أستاذة، بدل ما تفضلي تمسحي ردي كل شوية".
وتابعت:" أبهرتيني يا مها بأخلاقك العالية، وبأنك افتكرتى العيش والملح اللى كلتيه فى البيت بتاع الفنان اللى مش عارفة تقولى اسمه بس عرفتى تقولى عليه (ندل) اللى هو أحمد السقا".
https://www.nawa3em.com/UserFiles/Wh....10.12 PM.jpeg
وأضافت فاطمة السقا:"بس أنا باقولك قدام الناس، قطع لسان أى حد يقول عليه كده لأنه راجل أكرمك ووقف جنبك أنت ومجدى بدل المرة ألف".
وتابعت:"وأمير كرارة برضو راجل جدع ومحترم للى ما يعرفهوش فى البوست بتاعك ده.. معرفش إيه الفرص اللى كانت عندك اللى كان يتمنى يشتغل معاكى فيها زمان، بس هو أى حد يتمنى يشتغل معاه دلوقتى أكيد.. وكلمة الدور بينادي صاحبه دى بتاعة أفلام.. ما بتتقالش فى الحقيقة.. كفايا دراما وتشويه للناس"
واستكملت فاطمة السقا:"وبعدين هما كممثلين مش مطالبين يقفوا جنبك ولا يجيبولك أدوار على فكرة.. دى رؤية مخرج وناس بتوع كاستنج، الحقيقة أنا مش عارفة أنت عايزة إيه.. أنا مش شايفة بعد العشرة الطويلة اللى أنت قولتى عليها غير كمية الحقد والسواد والشماتة اللى كانوا متداريين ورا ابتسامة كدابة، معرفش أنت إزاى كنتى بتدخلى بيوتنا الصراحة وأنت ست وحشة كده".
واختتمت :"نسيت أقولك السب والتطاول ده بيدل على الأصل.. وإحنا بقى ولاد ناس، مع أننا عندنا كلام كتير أوى يتقال".